Wednesday 10 August 2011

ဦးဇင်းညာဏသာရခေါ် ဒေါက်တာချက်ကြီးသို့ အထူးလျှောက်ထားချက်

ရိုသေစွာ ခြေတော်ဦးခိုက် ရှိခိုးလျှောက်ထားအပ်ပါသည် ဦးဇင်းညာဏသာရဘုရား.......

( ၁၊ ) ဦးဇင်းညာဏသာရဟာ မလေးရှားနိုင်ငံ ကွာလာလမ်ပူမြို့ ဘလက်ကောင်းရှိ
ညာဏရောင်ခြည် ဓမ္မ၀ိဟာရကျောင်းတွင် သီတင်းသုံးနေထိုင်လျှက်ရှိကြောင်း
တပည့်တော်တို့ မလေးရောက် ဒကာ ဒကာမများက သိရှိနေကြပါပြီဘုရား.....

(၂) ပုထုဇဉ်ရဟန်းတော်တို့ သဘာဝမို့ တစ်ခါတစ်ရံ မှားတတ်ကြစမြဲမို့
တပည့်တော်တို့ အနေနဲ့ အပြစ်လို့ မယူဆဘဲ ခွင့်လွှတ်သီးခံနိုင်ကြပါတယ်ဘုရား၊
သို့သော်လည်း အပြစ်ကို အပြစ်လို့ ဦးဇင်းချက်ကြီး ကိုယ်တိုင် ၀န်ခံသိရှိပြီး အခုလို
ဘုန်းကြီးဘ၀နဲ့တော့ Sexy Blog ဖွင့်တာကို အချိန်မှီရပ်တန့်လိုက်မယ်ဆိုရင်
တပည့်တော်တို့ အနေနဲ့ အထူးဝမ်းသာကြမှာ အသေချာပဲလို့ လျှောက်ထားရဲပါ
တယ်ဘုရား......

(၃) ပွင့်ပွင့်လင်းလင်း လျှောက်ထားရသော် ပထမတုန်းက ဒီဘလော့ဟာ ဘုန်းကြီး
တစ်ပါးဖွင့်တယ်ဆိုတာ မထင်ခဲ့မိပါဘူး..ဘလော့သက်တမ်း အချိန်ကြာလာသည်နှင့်အမျှ
နီးစပ်ရာ သူငယ်ချင်း အပေါင်းသင်းများက ''ချက်ကြီး ဘလော့ကို ဖွင့်တာက တို့မလေးရှား
မှာ ကျောင်းထိုင်နေထိုင်တဲ့ ဘုန်းကြီးတစ်ပါး'' လို့ ပြောဖန်များလာလို့ နီးစပ်ရာ အဆက်သွယ်
တွေနဲ့ လိုက်လံမေးမြန်း စုံစမ်းကြည့်ရာမှာတော့ ကွာလာလမ်ပူ ဘလက်ကောင်းမှာရှိတဲ့
ညာဏရောင်ခြည် ဓမ္မ၀ိဟာရကျောင်းက ဦးဇင်းညာဏသာရ ဆိုတာ အခုလို သိရှိခဲ့ရလို့
အရမ်းကို စိတ်မကောင်းခြင်းများစွာ ဖြစ်ခဲ့မိတာအမှန်ပါဘုရား......

(၄) ဦးဇင်းညာဏသာရလို့ သိရှိပြီးပြီးချင်းမှာမှာပင် ဦးဇင်းမေးထဲသို့ ဒီဘလော့ကို
အချိန်မှီ ပိတ်ပေးဘို့ အကြိမ်ကြိမ် သတိပေး လျှောက်ထားခဲ့သော်လည်း ဦးချက်ကြီးဟာ
မသိချင်ယောင်ဆောင်ကာ ဆက်ဖွင့်နေတာကြောင့် အခုလို လူသိရှင်ကြား လျှောက်ထားရတဲ့
အတွက် ဘာသာ သာသနာအတွက် အားနာမှု စိတ်မကောင်းမှုများစွာ ဖြစ်မိပါသည်ဘုရား....

(၅) နောက်ဆုံးအနေနဲ့ ဦးညာဏသာရကို တောင်းပန်လျှောက်ထားလိုသည်မှာ
သာသာနာ ဘာသာမျက်နှာကို ငဲ့ကွက်သောအားဖြင့် အခုလက်ရှိ ဖွင့်နေဆဲဘလော့ကို
တတ်နိုင်သမျှ မြန်ုမြန်ရပ်တန့်ပေးဘို့ မလေးရောက် ရွှေမြန်မာ လူမျိုးတွေရဲ့ ကိုယ်စား
တပည့်တော်က သနားခံ လျှောက်ထားရင်း တပည့်တော်ရဲ့ လျောက်ထားချက်ကို
အဆုံးသတ်လိုက်ရပါသည်ဘုရား....

ရိုသေလေးစားစွာဖြင့်

ဒကာတော်(ခေတ္တ-မလေးရှားနိုင်ငံ)

၈-၆-၂၀၁၁(ဗုဒ္ဓဟူးနေ့)

(အသိပေးခြင်း)မှန်ကန်သူတို့ဆုံမှတ်ဘလော့မှ ကူးယူဖော်ပြပါကြောင်း အသိပေးအပ်ပါသည်။

2 comments:

Anonymous said...

စဉ်းစဉ်းစားစား နဲ့ ဦးနှောက်သုံးပြီး တွေးကြပါဦးဗျာ။ဗုဒ္ဓဘာသာဝင်တယောက်ဟာ သူကိုးကွယ်တဲ့ ဘာသာကို သိက္ခာချပါ့မလား။တခြားဘာသာဝင်တယောက်ကသာ ဘုန်းကြီးပုံများတင်ပြီး ၊ဘာသာမတူသူများအပေါ် သိက္ခာချနေတာ ဖြစ်ဖို့များပါတယ်။ချက်ကြီးဆိုတာ သံဃာတော်လုံးဝမဖြစ်နိုင်ပါ။ဒုလ္လဘ ရဟန်းလည်း မဖြစ်နိုင်ပါ။သံဃာဖြစ်စေ၊လူဖြစ်စေ မိမိကိုးကွယ်တဲ့ဗုဒ္ဓဘာသာကို ထင်ယောင်ထင်မှားဖြစ်စေမယ့် ပုံများ၊နာမည်များ၊အရေးအသားများ လုံးဝ လုပ်မည်မဟုတ်ဟု ယုံကြည်ပါတယ်။(နိုင်ငံတကာက အင်တာနက်တွေပေါ် မကြာမကြာ ပါလာတတ်တဲ့ ဘုရားရုပ်ပွားတော်များကို မထီမဲ့မြင် ပြုမူ ပြောဆို သရုပ်ဆောင်ကြသူများဟာလည်း ဗုဒ္ဓဘာသာဝင်များ မဟုတ်ကြပါ။တခြားဘာသာ ကိုးကွယ်သောသူများဖြစ်ကြောင်း လေ့လာ သိရှိနိုင်ကြပါတယ်။) ဦးနှောက်ဖြင့်စဉ်းစား၍ ယုံကြည်ကြ။ချင့်ယုံကြ။။ကော်ပီကူး၍ ဖော်ပြကြပါလို့။((အခုလို ခင်ဗျားတို့ က ဗုဒ္ဓဘာသာကို ထင်ယောင်ထင်မှားဖြစ်အောင် စွပ်စွဲလေလေ..ချက်ကြီးဘလော့ကို တကယ်လုပ်နေတဲ့ ငနဲက ကွယ်ရာကနေ ပြုံးရယ်နေမှာ သေချာတယ်။))

mrlee said...

ချက်ကြီးကို

Post a Comment